රස මාළු කරියකට රහස් 10 ක්...

1. රස මළු කරියක් හදන්න නම් දවසේ මාළු ගන්න. දවසේ මාළු කියන්නේ අලුත් මාළු. වඩාත්ම රස මාළු කරියක් හදන්න නම් කුඩා මාළු ගන්න. ලොකු කෑලි මාළු පහසු උනත් හොද්දේ රසය ගැන හිතනවා නම් කුඩා මාළු ගන්න. 

2. මාළු හොදින් සෝදන්න. මසුන් ගෙන ආ මොහොතේම එය සෝදන්න. මාළු මුලින්ම සුද්ද කරන්න. පසුව සාමාන්‍ය වතුරෙන් තුන් වරන් හොදින් සෝදන්න. පසුව වතුර බේරා එයට දෙහි බෑයක යුෂ දමන්න. දෙහි ලෙල්ල ද මාළු වලටම දමන්න. එයටම කහ කුඩු තේ හැදි බාගයක් සහ ලුණු කුඩු තේ හැදි බාගයක් දමන්න. හොදින් අතගා විනාඩි 40ක් වසා තබන්න. පසුව යලිත් සෝදා පිසීමට ගන්න. පසුව පිසිනවා නම් අධිශීතකරණයට හොදින් වසා දමන්න. 

3.මාළු පිසීමේදී ගොරකා, තක්කාලි, සියඹලා ආදී කුමන ඇඹුලක් එක්කලත් දෙහි ඇඹුල් බිංදු දෙක තුනක් දමන්න අමතක කරන්න එපා. ඉන් මාළු වල රසය පුදුමාකාර ලෙස මතුවෙනවා. එම නිසා මාළු පිසින හැම විටම දෙහි ගෙඩියක් ඒත් සමග ගන්න. 

4. මාළු වලට ගොරකා දමන විට කුඩා බෝල් එකකට ගොරකා උණු වතුරදමා විනාඩි 15ක් තම්බන්න. පසුව එම වතුරද සමගම මාළු කරියට දමන්න. මාළු 500g කට ගොරක කෑලි 2ක් හෝ 3ක් උපරිමයෙන් ඇති. ගොරකා අලුත් ඇඹුලක් මාළු කරියට එක් කරනවා.

5. මාළු කරියක් පිසිනවිට කරපිංචා ඉති පිටින් දමන්න. රසය වැඩි වෙනවා. කරපිංචා සූරා කිසිම විටෙක දමන්න එපා. කරපිංචා ඉත්තේ නාරටි වලින් මාළු කරියට වෙනස්ම රසයක් එනවා. අලුත් ලපටි කරපිංචා හැම විටම ගන්න. 

6. ඕනම මාළු කරියක් හදන විට හොද්ද ඉතිරූ පසුව තවත් විනාඩි 15ක් මද ගින්නේ තබන්න. මද ගින්නේ තැබීමෙන් මාළු වල රසය කරියට එකතු වෙනවා. 

7. මාළු කරිය හදන විට මැටි ඇතිලියක් තෝරාගන්න. රස මාළු කරියක් සදහා මැටි ඇතිලිය හොද පදනමක් දමනවා. 

8. මාළු හොද්දට ලුණු දමන විට හැමවිටම ලුණු කැට දාන්න. ලුණු කැට වලින් රසය තවත් වැඩි වෙනවා. ලුණු කුඩු වලින් එසේ වෙන්නෙ නැහැ. 

9.හැමවිටම කෑමට ගන්න පැය 3කට පෙර මාළු කරිය හදන්න. පැය 2ක 3ක් යද්දී මාළු හොද්දක තියෙන රසය දහගුණයකින් ඉහළ යනවා. 

10. ඕනම මාළු කරියක් මද ගින්නේ පිසීමට කළින් පොල් තෙල් තේ හැන්දක් උඩින් ඉසින්න. රසය වැඩි වෙනවා.

උපුටා ගැනීමකි .